بي من الضيقه كثر ما بي من الاشواق

بي من الضيقة كثر ما بي من الأشواق
ومهما زادت ضيقتي ما عرفت كيف أحكيها

اشتقت لصاحبي ودي أجيه بعناق
هو الوحيد اللي يعرف نفسي كيف يسليها

اللي كل ما جيته وقافلةٍ معي الأخلاق
يقول لي تكفين عقدة حاجبك فكيها

مرات أردها بضحكه ومرات أردها بخناق
عاد هو وحظه هالسالفه كيف أنهيها

لكني اشتقت له في الزعل ولا الوفاق
ودي أهديه مشاعري الميتة لأجل يحييها

لأنه هو اللي قتلها قبل الفراق
ما قدر محبتي له ولا قال ما بيها

إن جيت قال يا مرحبا وإن رحت قال بالطقاق
بالله ذي محبه ولا وش أسميها

وأنا كل ما قلت في رحلة الهجر أبي ابدأ الإنطلاق
ارجع وأقول يا بنت غلطة المحبوب عديها

واليوم وصلت معي وصار هرجه لا يطاق
ولو يضيق الكون فيني لا وربي ما أمشيها

ياللي تقول كنتوا أحلا اثنين عشاق
إيه كنا ولكن كلمتي وحده ما أثنيها

قلت الفراق يعني الفراق
وإن صار ورجعت ترى ما ني جودهـ اللي تعرفها

بي من الضيقه كثر ما بي من الاشواق 569963

بي من الضيقه كثر ما بي من الاشواق 569963

أحلى جوري

يسلمووو احلى جوري

موضوع رائع

يعطيكم العااااااافيه

يالبى قلبك afro